Ish-portieri i Mançester Junajtid dhe kombëtares angleze, Ben Foster, ka rrëfyer një episod epik, me protagonist Fabio Kapelon, gjatë kohës që trajneri italian ka drejtuar Anglinë.
Foster tregoi se Kapelo nuk e lejoi që të ishte i pranishëm në lindjen e djalit të tij. Edhe pse bëhej fjalë për një ndeshje miqësore, portieri tregon se Kapelo këmbënguli në të tijën, duke mos i dhënë lejë për të parë lindjen e djalit, por më e bukura, nuk e aktivizoi fare as në miqësore.
“Gruaja ime ishte gati të lindte, sapo i kishin plasur ujërat. I shkruajta trajnerit dhe ai m’u përgjigj se do të fillonim stërvitjen për gjysmë ore. E pyeta nëse mund ta shoqëroja gruan time në spitalin e Mançesterit, por ai këmbënguli në të vetën.
Tha se kishte nevojë për mua, edhe pse ishte thjesht miqësore dhe unë do të luaja në pjesën e dytë. Nuk më aktivizoi fare, qëndrova 90 minuta në stol. Kështu që humba rastin për të parë lindjen e djalit tim”,