Gazetari investigativ Artan Hoxha ka treguar një detaj në kohën kur Eldi Dizdari u arrestua në Emiratet e Bashkuara Arabe për llogari të drejtësisë italiane.
I ftuar në studion e Abc Live, Hoxha tha se Dizdari përdori një shumë prej 1 milionë dollarë për të korruptuar 22 punonjës të burgut në Dubai. Hoxha rrëfen se Dizdari ishte më i privilegjuari pasi i shkonin ushqime nga restorantet më të mira në Dubai dhe bënte takime të shpeshta me familjarët.
“Gjatë kohës që ai ka qenë në burg në Dubai, ka patur një ngjarje tjetër, janë arrestuar 22 punonjës të burgut ku mbahej Dizdari për shkak të akuzave për korrupsion. Ata akuzohen se e kanë ulur nivelin e sigurisë, duke lejuar që Dizdarit ti shkonin ushqime nga restorantet më të mira në Dubai, të takohej më shpesh me familjarët, së treti ai kishte mundur të fuste brenda burgut një telefon i cili punonte me një program të kriptuar, i cili përdorej gjerësisht nga bota e krimit. Ishte një program që e futi FBI Amerikane”, tha Hoxha.