Karim Adejemi ishte protagonisti absolut i fitores së Borusia Dortmund ndaj Çelsit në Ligën e Kampioneve. Një sprint i tij nga njëra gjysmëfushë në tjetrën,. duke kaluar me lehtësi Enzo Fernandez, solli golin e fitores 1-0 të gjermanëve dhe në fund ishte pikërisht 21-vjeçari që u shpall lojtari i ndeshjes.“Ishte një start i vështirë i ndeshjes për ne, por pastaj shihej që të gjithë po luftonin për njëri-tjetrin dhe e kuptuam se sot ishte e mundur të bënim diçka këtu. Jemi të lumtur që fituam.
Dueli me Enzo Fernandez? E vetmja gjë që po mendoja ishte thjesht që të kaloja topin para tij. Në ndeshje ti thjesht mundohesh të fitosh duelet e tua. Portieri doli jashtë nga porta dhe ndoshta ishte pak fat, por jam i lumtur me golin.
Mund të them se është viti i ri dhe fat i ri për mua. Gjatë pushimit të kampionatit ne folëm shumë me njëri-tjetrin dhe kjo na ka afruar. Fitorja sot ishte thelbësore dhe ishte e pabesueshme të luaje përballë tifozëve të tillë. Ne deshëm t’ia bënim të vështirë Çelsit nga fillimi në fund dhe ia dolëm”, tha djaloshi gjerman.