Mes përpjekjeve për të lënë pas humbjen me Juventusin dhe për t’u fokusuar te ndeshja e nesërme ndaj Bolonjës, Simone Inzagi njohu edhe rivalin e 1/8-ave të Champions League, ku do të gjejë një ishshok skuadre, Serxho Konseisaon.
“Ne e respektojmë Porton, përballë do të kemi Serxho Konseisaon, një shok skuadre te Lacio dhe një njeri që e njoh shumë mirë.
Do të jenë dy ndeshje shumë të bukura, me dy stadiume të mbushura plot, të denja për një kompeticion të tillë”, tha 46-vjeçari që ama premtoi se skuadra do të bëjë çdo gjë për të siguruar kualifikimin:
“Ne do të luajmë për vitin e dytë radhazi në këtë fazë dhe më në fund Interi është rikthyer te ndeshjet e rëndësishme në Europë.
Duam t’u dhurojmë tifozëve ëndrrën e kualifikimit përtej kësaj faze, nuk do të jetë e lehtë, por do të jemi gati”.