Ish-gjyqtari i njohur italian, Graciano Çezari, ka komentuar në studion e “Mediaset” ngjarjet e diskutueshme në sfidën mes Milanit dhe Totenhemit. Sipas tij, kryesori i sfidës kishte falur një karton të kuq të anglezëve, por edhe një penallti në favor të tyre.“Në rastin e ndërhyrjes të Romero ndaj Tonali, e verdha është një masë ndëshkimore mjaft e lehtë, nuk jam dakord me zgjedhjen që bëri Sandro Sharer. Pamjet nuk lënë vend për dyshim, këmba është shumë lart dhe për mua është karton i kuq.Në minutën e 94-t, Kruniç ndërhyn me një të shtyrë me shpatull të fortë në shpinën e Riçarlison. Nëse do të kishe dhënë penallti, nuk d të më kishte çuditur aspak. Por ishte një vendim fushe dhe është e drejtë që VAR nuk ndërhyri”, theksoi ish-gjyqtari ndërkombëtar italian.