Mançester Junajti di ka plani fikuar një kthesë të papritur në historinë me David de Gean, për ta kthyer atë në skuadër për një marrëveshje afatshkurtër. Lajmin e zbulon “The Sun” që raporton se klubi është i shqetësuar se do të ketë mungesë të portierëve kur numri 1 i Kamerunit, Andre Onana, ai që erdhi për të zëvendësuar spanjollin, të shkojë në Kupën e Afrikës në mes të sezonit.
Mançester Junajtidi është gjendur i papërgatitur, pasi Onana vendosi të rikthehet në kombëtare pas tërheqjes. Kupa e Afrikës zgjat nga 13 janari deri më 11 shkurt, që do të thotë se portieri i transferuar nga Interi për 43.8 milionë paund mund të humbasë deri në tetë ndeshje të klubit.
Kështu që Junajtid është gati t’i drejtohet De Geas, pasi e kishte larguar atë në verë duke mos i rinovuar kontratën. 32- vjeçari kaloi 12 vjet në “Old Trafford” para se të largohej kur i skadoi kontrata. Që atëherë ai nuk ka luajtur për një klub tjetër.
De Geas iu ofruan terma të reduktuar financiarë për të qëndruar në Mançester, me pagat e tij që u ulën nga 375.000 paund në javë (ishte portieri më i paguar në botë) në 200.000 paund në javë. Por edhe kjo marrëveshje u tërhoq nga tavolina në fund.
Çuditërisht, Junajtidi i kërkoi gjithashtu që të mos pranonte t’i bashkohej një klubi tjetër derisa të kishin përfunduar transferimin e Onanës.
Kjo u pa si një trajtim i padenjë për portierin më jetëgjatë në historinë e tyre dhe dikë që sapo kishte fituar “Dorezën e Artë” të Premier Ligës. Junajtidi bleu Alltaj Bajindirin nga Fenerbahçe për 4.3 milionë paund, por Tom Hitën do të ishte i vetmi portier tjetër në klub gjatë Kupës së Afrikës.
Kapiteni i “djajve të kuq”, Bruno Fernandesh, i cili së fundmi u takua me De Gean në Mançester, shprehu keqardhjen e tij që spanjolli nuk mori lamtumirën e duhur.
Duke parë formën jobindëse të Onanës shumë mendojnë se De Gea minimumi duhet të kishte qëndruar, por kjo mund të ndodhë tani.
Spanjolli bëri dy postime enigmatike ditën e djeshme në rrjetet sociale, njëra ishte një fytyrë e menduar, ndërsa pak orë më vonë postoi edhe dorëzat e tij duke u stërvitur, me diciturën: “Ndihem mirë”.