Siatëlli, Portlandi dhe qytete të tjera amerikane kanë thyer rekordet e të nxehtit këto kohë me temperatura që kanë arritur në afri 40 gradë celcius. Por ekspertët thonë se ditët në vijim do të jenë akoma më përvëluese me mërkurin në termometër që do të shkojë nga 43 deri në 46 gradë celcius. Moti ekstrem është shkaktuar nga një kupolë të nxehti e krijuar mbi pjesën veri perëndimore të paqësorit. Dhe këto ditë të nxehta, janë vetëm një shijim i të ardhmes ndërkohë që ndryshimet e klimës po ripërcaktojnë elementët e motit në glob.
Dhjetëra persona kanë humbur jetën në Kanada mes një valë të paparë nxehtësie. Mediat raportojnë se Policia në zonën e Vancouver u është përgjigjur më shumë se 130 vdekjeve të papritura që nga e Premtja. Shumica ishin të moshuar ose kishin probleme shëndetësore.
Ky është një event nga më ekstremët e motit në histori – tha shërbimi kombëtar i motit. I nxehti jo vetëm do të kërcënojë shëndetin e banorëve por do ta bëjë rajonin edhe shumë vulnerabël ndaj zjarreve. Zyrtarët në Portland kanë ndaluar metrotë dhe makinat në rrugë për shkak të temperaturave të larta, ka mbyllur shkollat verore ndërkohë që njerëzit po përgatiten për përvëlimin që i pret. I nxehti ka bënë në vështirësi edhe operatorët e shpërndarjes së energjisë elektrike. I nxehti ndërkohë ka mbërthyer edhe british columbian në kanada, ku temperatura pasditen e të dielës arriti një nivel rekord prej mbi 46 gradësh celcius.