Kombëtarja e Gjer manisë ndërroi “padron” në pozitën e trajnerit kohët e fundit, e ku Julian Nagelsman ka marrë përgjegjësinë dhe misionin e vështirë drejt “Euro 2024”, zhvillimin e një kampionati europian të suksesshëm si organizator, krahas trendit negativë në etapat e fundit, aq me tepër kur do të luajnë përballë tifozërisë vendëse.
Lotar Mateusit i ka shërbyer vetëm një takim i Julian Nagelsmanit në drejtimin e “pancerave” për të zbërthyer se kush do të jenë protagonistët në planet e teknikut 36-vjeçar. Ish-futbollisti i kampionëve të 4-fishtë në spektrin e Botërorëve është ndalur në çdo repart, teksa ka dhënën një tablo sa më të qartë:
LOTAR MATEUS, PORTA- ”Ter Shtegen ka fituar reputacion të rëndësishëm në idetë e Nagelsmanit, por e vështroj tejet të vështirë që Nojer të jetë në pozitën e dytësorit rreth numrit ‘1’. Juliani ka grumbulluar në ekip lojtarë me eksperiencë, pra ai nuk do të bëjë të njëjtat gabime me eksperimentet si pararendësi, kështu që Nojer do të mbrojë portën e kombëtares në turneun e ardhshëm madhor”, tha Mateus.
MBROJTJA- ”Nuk kam asnjë dyshim se Rydiger dhe Mats Humels do të rreshtohet në qendër të prapavijës. Binomi në fjalë e gjeti mjaft mirë gjuhen e komunikimit kundër SHBA-së, e për rrjedhojë kanë hedhur themele të forta. Xhonatan Tah do të mbulojë krahun e djathtë, teksa në korsinë respektive Robin Gosens do të kontribuojë në zgjatjet horizontale, si në shërbim të mbrojtjes, ashtu edhe me daljet e shpejta në vijën anësore”, vijoi 62-vjeçari.
ORGANIZATORËT- Edhe pse Joshua Kimish ende nuk e ka kryer debutimin për shkaqe shëndetësore në drejtimin e Nagelsmanit, kam besim se aftësitë e mesfushorit të Bajernit kanë rrënjë të thella në praktikat e Julianit, sikurse edhe Gyndoan, madje lënia e shiritit 32-vjeçarit demonstron besim dhe siguri. Gorecka duhet të pranojë se e ka humbur profilin e titullarit në “lupën” e trajnerit, që ka nisur krisjen që në epokën e Flikut.
FAZA OFESIVE- ”I bindur se shpresa e vetme për sukses të Gjermania do të jetë e lidhur me dyshen Virc-Musiala. Ata i kanë aftësitë për të prishur skemat e çdo rivali dhe po bëjnë shkëlqyeshëm me klubet respektive. Besoj se Xhamal do të luajë në qendër, aty ku përgjegjësia është më e lartë, kurse Virc nga krahët, duke shpërndarë topa. Sane do të vihet në gatishmëri në të djathtë të sulmit. Ai djalosh po zhvillon sezon të jashtëzakonshëm me bavarezët”, vijoi Lotar.
GOLEADORI- ”Statistikat e Fylkrugut në përfaqësuese janë për t’u lavdëruar. Reputacioni i Mylerit nuk është më ai i dikurshmi. Mjafton t’i referohemi minutazhit të reduktuar prej Tuhelit apo testit karshi SHBA-së, ku iu rezervuan gati 10 minuta lojë. Gnabri e Haverc mbeten opsione, por jo me karakteristika ‘pyke’ të mirëfilltë”, përfundoi analizën në “Sky Sport.de” Lotar Mateus.