Deputeti i PD-së Belind Këlliçi ka denoncuar Bordin e Transparencës duke e quajtur një organizëm gjakpirës, një sajesë burokratike që majm 3-4 vetë në kurriz të shqiptarëve.
Në postimin e tij në Facebook, Këlliçi thekson se bordi u krijua për të legjitimuar vjedhjen.
Postimi i plotë i Belind Këlliçit:
Bordi i Transparencës është një organizëm gjakpirës, një sajesë burokratike që majm 3-4 vetë në kurriz të shqiptarëve.
Transparenca është fjalë e madhe për një ortakëri shtet-privat që e futi Shqipërinë në 10 vendet me çmimin më të lartë të naftës në botë.
Bordi u krijua për të legjitimuar vjedhjen.
Protesta bëhen atëherë kur mendjellinjtë, pasi kanë kërkuar protesta në Facebook, çohen nga divani dhe dalin në shesh.
Kur ne mbushnim sheshet, sehirxhinjtë ankoheshin për pjesëmarrje të ulët. Ankesat nga divani nuk e ndihmojnë shoqërinë të dalë nga apatia.