Romeo Kara bëri disa deklarata të forta në lidhje me ish-ministrin Arben Ahmetaj dhe pasurinë e tij.Ai tha se edhe këshilltarja e Ahmetajt kishte 8 apartamente, ndërsa ka kërkuar që ish-ministri të mos fshihet, por të dalë hapur dhe të flasë nëse mendon se është i pastër.“Për t’u mbrojtur, duhet ta fitosh betejën moralisht. Se është person publik dhe ne kemi të gjithë të drejtën e zotit ta komentojmë publikisht. Ka menxhuar prej 9 vitesh, e cila përfundon në koshin e plehrave, përfundon te këshilltarja e tij me 8 aparmamente, te gruaja, ish-gruaja, dashnorja, të gjithë me vila, me apartamente.Dhe këtu ajo që mungon tek unë, apo qytetarët e tjerë, gjendet me shumicë te tarafi i këtij dhe i të tjerëve si puna e këtij. Kështu që nuk ka asnjë mëshirë publike për këto persona. Po të përgjigjen një më një, e ti lënë këto “spin doctor” se spiunë e doktorët i njohim shumë mirë”, tha juristi Romeo Kara