Të tjera detaje kanë dalë në dritë nga vrasja e dyfishtë e politikanëve të PDK në Pejë mbrëmë.
Sikurse kishin aluduar edhe mediat, kandidati për kryetar komune në Peje Astrit Ademaj dhe ish kandidati për kryetar komune po i PDK në Deçan, Blerant Kadriaj, kanë qenë të ulur bashkë në një lokal në afërsi të shkollës ekonomike në Peje. Bashkë me ta ka qenë edhe vëllai i kandidatit të Pejes, Avni Ademaj.
Mesa duket dy politikanet e PDK, Astrit Ademaj dhe Blerant Kadriaj kanë pasur një konflikt të vjetër mes tyre.
Kreu aktual i Komunës së Pejës Gazmend Muhaxheri tha për mediat se miq e shokë janë përpjekur ti pajtojnë, mirëpo takimi mes tyre ka përfunduar në tragjedi pasi kanë vrarë njeri-tjetrin duke përdorur armët.
Ndërkohë në gjendje të rëndë është edhe Avni Ademaj.