Mançester Junajtid i ka dhënë lamtumirën Ligës së Kampioneve sot pas humbjes ndaj Bajern Mynih, por njëkohësisht edhe mundësisë për të kaluar në Ligën e Europës si e treta në grup. Për ish-mbrojtësin e “djajve të kuq”, Rio Ferdinand, nga një anë ekziston zhgënjimi që nuk pa ekipin e tij të vazhdonte më tej, por nga ana tjetër pret tashmë të shohë një reagim në kampionatin anglez.
Shumë zhgënjyese është më e pakta që mund të thuhet. Ne pritnim që Junajtid të kualifikohej kur u bë i ditur grupi. Të shënosh tre gola në secilën prej tre ndeshjeve jashtë dhe të mos marrësh më shumë pikë është kriminale. Ti merr atë që meriton nëse nuk je cinik apo nëse nuk ia del të mbyllësh ndeshjet.
Kjo është një ndeshje ku duhej të jepnin gjithçka, por nuk u shfaq asnjëherë. Megjithatë, nëse do të hapeshin, mund të kishin humbur me 3 apo 4 gola. Do të ishin goditur disa herë nga ky Bajern. Ana pozitive është që unë dëshiroja që më mirë të shihja këtë skuadër plotësisht jashtë Europës që të fokusohej te kampionati”, tha për “TNT Sports” ish-mbrojtësi i Anglisë.