Drejtoria e Përgjithshme e Tatimeve u bën thirrje bizneseve të kenë kujdes nga persona të paautorizuar që prezantohen si punonjës të tatimeve.
Administrata ka identifikuar persona të caktuar të cilët mashtrojnë bizneset duke u hequr si punonjës tatimorë, megjithëse nuk janë të punësuar në strukturat e Administratës Tatimore.
Tatimet kanë treguar se një punonjës tatimesh mban gjithmonë me vete një – Badge identifikues (Emer/Mbiemër/Foto/Pozicioni i punës/Emërtimi i Drejtorisë)
– Urdhri i punës i firmosur nga drejtuesi i Drejtorisë përkatëse
– Uniformat dalluese me mbishkrimin: Administrata Tatimore.
Administrata Tatimore i bën thirrje të gjithë tatimpaguesve të bëjnë kujdes nëse përballen me persona të dyshimtë, që nuk i kanë elementet si më sipër, të mos lejojnë futjen e tyre në ambjentet e biznesit si edhe të denoncojnë menjëherë në kanalet e komunikimit të Administratës Tatimore:
– denoncime@tatime.gov.al
– zyraeshtypit@tatime.gov.al
-zyraebashkeqeverisjes@shqiperiaqeduam.al
si edhe të kontaktojnë Qendrën e Thirrjeve, numrin e gjelbër: 08000002.