AKTUALITET

Kur kam hyrë në driblim nuk kisha më zgjidhje. Doja ta zgjidhja vetë. hyra në një mes ku kisha shumë lojtarë para dhe mendoj se ishte fati im që doli topi në qendër. Golashënues? Jam bërë golashënues në Europë për Partizanin dhe jam shumë i lumtur. Me Baten e kam barazuar por tani kam shënuar 6 dhe jam në krye të listës. Jam shumë i lumtur sepse veç rezultatit kishim probleme me qarkullim edhe pse me kundërshtar modest. Mendoj se do ta zgjidhim më mirë sepse kemi kundërshtar të vështirë. Kam parë lajme se është rival i lehtë por ka skuadër të fortë me vlerë si ne dhe janë lojtarë që hapin probleme. Skema në fushë? Faktikisht pozicioni im është sulmues i majtë sepse kam luajtur që i vogël por edhe në sulm. Jam i majtë por nëse ka nevojë ekipi luaj ku të dojë trajneri. Në ndeshjen e parë kemi humbur shanse dhe kemi goditur 28 herë portën por kemi shënuar 1 gol. Na ka dhembur shumë eliminimi dhe e kemi pak psikologjike mos shënimin e golave. Sot që kemi shënuar 4 gola, besoj se shkojmë me moral tjetër. E mira do të ishte që të zhbllokohej edhe Mba. Ambicie? Normalisht që mendja ishte të luanim mirë sepse pas kritikave me të drejtë në ndeshjen e parë, duhej ndeshje dinjitoze sepse ishim para tifozëve. Shënuam gola por duhej të ishim më mirë në lojë. Në pjesën individuale duhet të ishim më mirë për të ndihmuar ekipin. Mba apo Skuka? Janë dy lojtarë të ndryshëm. Skuka më hapte më shumë hapësira sepse mbrojtësit i shkonin mbrapa. Mba ka pozicion që duhet t’i rrish afër sepse e mbron topin dhe duhet të kap pasimet afër. Janë dy lojtarë të ndryshëm. Partizani para apo Cara me Partizanin? Ka më shumë shanse që të vazhdojë Partizani para. E shoh veten te Partizani”, tha Cara për MCN.

August 2, 2023
Keli

Policia Rrugore duket se nuk do të toleroj më, teksa ka forcuar masat për ndalimin e drejtuesve të mjeteve që shkelin rregullat e qarkullimit.Burime zyrtare nga policia bënë me dije se ka shkuar në 24 numri i drejtuesve të automjeteve që kanë rezultuar në efektin e drogave, pas testimit me aparatin AquilaScan, gjatë këtij viti.Bëhet fjalë për 29-vjeçarin me inicialet A. H.

“Policia Rrugore vijon kontrollet e dedikuara, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore. Si rezultat i kontrolleve të dedikuara, është arrestuar në flagrancë një shtetas që drejtonte automjetin, në efektin e lëndëve narkotike.
Shkon në 24 numri i drejtuesve të automjeteve që kanë rezultuar në efektin e drogave, pas testimit me aparatin AquilaScan, gjatë këtij viti.

Shërbimet e Policisë Rrugore, në vijim të kontrolleve për evidentimin dhe ndëshkimin e drejtuesve të automjeteve që shkelin rregullat e qarkullimit rrugor apo drejtojnë automjetet, në mënyrë të parregullt, arrestuan në flagrancë shtetasin A. H., 29 vjeç.Gjatë kontrollit fizik, atij iu gjet një sasi lënde e dyshuar narkotike kanabis, e cila u sekuestrua në cilësinë e provës materiale. Gjatë shoqërimit në Komisariat, ky shtetas ka kundërshtuar punonjësit e Policisë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.”, thuhet në njoftimin e policisë.