Gjatë një tele- konference me gazetarët, CNN e ka pyetur zëdhënësin e Kremlinit, Dmitry Peskov për Boris Bondarev një diplomat rus që njoftoi dorëheqjen e tij të hënën me një letër të hapur.
“Kremlini nuk është njohur me këtë letër. Nëse ai ka qënë punonjës i Ministrisë së Jashtme atëherë kjo është një pyetje për MPJ- Ministrinë e Punëve të Jashtme)”, tha Peskov.
“Këtu mund të themi vetëm se zoti Bondarev nuk është më me ne, përkundrazi është kundër nesh’’ tha Peskov.
‘Ai ka marrë një pozicion në të cilin ai dënon veprimet e udhëheqjes ruse, veprime këto që mbështetën nga pothuajse e gjithë popullata e vendit tonë’ tha Peskov.
Por ku u pyet se çfarë do të thotë është ‘kundër nesh’ Peskov u shpreh:
“Kjo do të thotë se ky zotëri u shpreh kundër opinionit të përgjithshëm të konsoliduar të vendit tonë”, shtoi ai.
Bondarev, një veteran 20-vjeçar i shërbimit diplomatik të Rusisë, postoi një deklaratë në një llogari në LinkedIn të hënën duke dënuar pushtimin rus të Ukrainës dhe duke kritikuar Ministrinë e Punëve të Jashtme ruse për bashkëpunim në atë që ai e përshkroi si një “luftë agresive” — gjuhë që është e ndaluar në Rusi sipas ligjeve të censurës së kohës së luftës .