Mançester Junajtid ka marrë një tjetër humbje në turneun miqësor që po zhvillon në Shtetet e Bashkuara, kësaj radhe kundër Borusias së Dortmundit me rezultatin 3-2.
Të parët që kaluan në avantazh ishin “Djajtë e Kuq” me anë të Diogo Dalot në minutën e 24’. Më pas ishte Malen i cili në dy minuta shënoi dy herë për të përmbysur rezultatin që në pjesën e parë.
Ishte Antoni ai që rivendosi sërish baraspeshën në minutën e 52’, por në minutën e 71’ Mukoko shënoi sërish për Dortmundin duke vulosur dhe fitoren.
Kjo ishte humbja e tretë radhazi për Junajtid, teksa sfida e radhës do të jetë përballë Lens më 5 gusht, ndërsa Dortmund do të luajë më datë 3 gusht kundër Çelsit.
REZULTATI:
BORUSIA DORTMUND 3-2 MANÇESTER JUNAJTID
Malen 43’, 44’, Mukoko 71’ / Dalot 24’, Antoni 52’