Maroku është kualifikuar në çerekfinalet e Kupës së Botës pasi ka eliminuar në turin e parë me eliminim direkt Spanjën. Skuadra e Luis Enrikes i ka dhënë lamtumirën turneut pas gjuajtjeve të penalltive në fund të një ndeshje ku 120 minutat u mbyllën pa gola.Një duel që askush nuk e priste të përfundonte kështu, me Spanjën favorite ne letër.
Në pjesën e parë pati tentativa nga të dyja ekipet, por asnjëra nuk arriti të finalizonte. Më pas në pjesën e dytë, marokenët e mbizotëruan plotësisht ndeshjen, duke mos i lënë hapësira ekipit të Enrikes. Koha e rregullt përfundoi 0-0 dhe nisi koha shtesë.
Momenti më i mirë për spanjollët ishte në fundin e shtesës së dytë me Pablo Sarabia i cili goditi traversën.
I pari që shënoi penalltinë për Marokun ishte Sabiri, më pas Zijek dhe i treti Benun. Hakimi ishte i katërti që gjuajti duke vulosur fitoren dhe kualifikimin e ekipit të tij.
Ndërsa për Spanjën, penalltitë u ekzekutuan nga Sarabia, Soler dhe kapiteni Buskets. Asnjëri prej futbollistëve nuk arriti të shënonte, dhe ekipi i Luis Enrikes i thotë “mirupafshim” Botërorit 2022.