Ndeshja e Kupes së Libertadores mes Argentinos Zhunior dhe Fluminenses nuk ka shkuar në mënyrën më të mirë të mundshme për ish-mbrojtësin e Realit, Marselo. Futbollisti brazilian u bë protagonist në një dëmtim horro që i shkaktoi kundërshtarit.
Në minutën e 57 të takimit, Marselo bëri një ndërhyrje shumë të rëndë ndaj Sançezit, duke i thyer këmbën. Menjëherë pasi e shkeli, Marselo e kuptoi dëmtimin që i ka shkaktuar duke kërkuar edhe që të ndalet loja për t’i ardhur në ndihmë futbollistit kundërshtar.
Pasi pa këmbën e kundërshtarit, Marselo ka shpërthyer në lot dhe me kartonin e kuq nuk ka pasur asnjë kontestim. Në fakt, duket qartë edhe nga pamjet se ndërhyrja e Marselos është e pa qëllimshme.