Shiriti i kapitenit në krah dhe një gol trepikësh janë kura më e mirë për të harruar sa më shpejt atë mbrëmje jo pozitive në Champions. Rafa Leao ndez ambientin kuqezi teksa shpreh dëshirat për të ardhmen, ku objektivi i tij kryesor është të fitojë Champions: “Milani është në rrugën e duhur, objektivi i klubit duhet të jetë të përmirësohet gjithnjë e më shumë. Shumë shpejt, Milan do të rikthehet të fitojë Champions, për këtë jam i sigurt. Unë jam i ri, flas për vetë, dëshiroj të fitojë gjëra të mëdha.
Champions është një ëndërr për të gjithë. Vitin e shkuar i shkuam shumë pranë, por Inter ishte superior, ata janë një skuadër shumë kompakte në fushë dhe në pankinë”, u shpreh Leao duke u ndalur më pas tek e ardhmja e tij, dhe mundësia për t’u transferuar në Arabinë Saudite: “Nuk kam arritur ende rezultate të mëdha për të menduar që të transferohem në ato kampionat. Për mua Champions League vlen më shumë se sa një rrogë e lartë”, theksoi Leao.