Rafael Leao është kthyer në lojtarin e momentit te Milani pasi me paraqitjet dhe golat e tij, ka bërë që kuqezinjtë të jenë në gjysmëfinalen e Ligës së Kampioneve. Kjo formë, po i shtyn kuqezinjtë për të rinovuar kontratën dhe raportohet se palët janë afër marrëveshjes.
Megjithatë, sulmuesi duhet që të mbyllë një herë çështjen e hapur që ka me Sportingun e Lisbonës. Leaos i ka mbetur një çështje në kohën kur ai u transferua në Lilë dhe së bashku me klubin francez, duhet që të paguajnë shumën që arrin në 16.5 milionë euro kundrejt portugezëve.
Megjithatë, kërkesat e këtyre të fundit janë rritur dhe tashmë synojnë që të përfitojnë më shumë. Duke parë klauzolat që kanë dhe vonesat në pagesa, Sportingu kërkon shifrën e 45 milionë eurove. Për këtë, ata kanë hapur një gjyq në KAS dhe shpresojnë që të përfitojnë shumën e kërkuar.