Samuel Eto mbërriti në verën e 2009-ës në Milano për të udhëhequr Interin te tripleta e vitit 2010, pas një shkëmbimi të tij me Ibrahimoviçin, me kamerunasin që ka treguar edhe përjetimet e atij transferimi.“Morati më ka dhënë një mundësi për të cilën do t’i jem gjithmonë mirënjohës, që i lejoi atij dhe Interit të kryenin operacionin më të bukur të historisë zikaltër dhe mua të lija gjurmë në këtë histori. Kur mbërrita në Milano i thashë ‘baba’ Moratit, siç e quaja unë, të më linte dy vite kohë dhe unë do t’i sillja Champions-in. Ndodhi që në vitin e parë”, tregoi ish-sulmuesi zikaltër.