Policia e Tiranës ka ndaluar ish-anëtare e Komisionit për dhënien e koncesionit, Etleva Kondi.
Kondi, e cila më parë ka mbajtur edhe poste të tjera si drejtoreshë, ishte shpallur në kërkim pasi Struktura e Posaçme Anti Korrupsion ka dhënë masën “arrest në shtëpi” ndaj saj për çështjen e inceneratorëve.
Ajo u ndalua në Aeroportin e Rinasit teksa po kthehej nga Italia.
Etleva Kondi është marrë me procedurat për të tre inceneratorët, atë të Tiranës, Fierit dhe Elbasanit.
Ajo akuzohet për veprën penale “Shpërdorimi i detyrës”, kryer në bashkëpunim.