Gazetari i kronikës së zezë Elton Qyno, ka denoncuar një rast domethënës se si në gjykatën e Apelit Tiranë, është nxjerë një dosje penale për studim, me qëllim lirimin me kusht të një personi të dënuar me burgim të përjetshëm.
Gazetari shkruan se janë arritur të afrohen 1.5 milion euro, me qëllim miratimin e lirimit me kusht të personit të dënuar, por në finalizim gjyqtarët kanë preferuar të heqin dorë nga ky operacion negociatash të ndërlikuara.
Madje gazetari ironizon se negociatat me qëllim lirimin me kusht të dënuarit, kanë qënë aq të ngjeshura sa bindshëm mund të krahasohen me negociatat diplomatike Rusi-Ukrainë,me qëllim arritjen e paqes në frontin lindor.
Ndër të tjera Qyno shkruan se: “…megjithë ngarkesën e ngjeshur të çështjeve që ka Gjykata e Apelit të Tiranës, kohët e fundit një nga gjykatëset e këtij institucioni, ka nxjerë nga sirtari, me qëllim studimin e një dosjeje, jo pak të rëndësishme, që flet për “lirimin me kusht” të një të dënuari me burg përjetë.
Axhenda e vizitave në këtë gjykatë, kohët e fundit ka qënë e shpeshtë për disa persona, ose më sakt për disa “lojtarë kalibri”, që dinë të rregullojnë dhe ndreqin disa punë gjykatash në Shqipëri.
Probabiliteti i shifrave financiare, që janë hedhur në terren, për të lënë në fuqi një lirim me kusht, ka shkuar deri në 1.5 milion euro Cash të thata. Shifër kjo e frikshme për ta menduar, dhe jo më pastaj për ta siguruar dhe dhuruar tek të tjerët.
Oferta ka ardhur e sigurt dhe duket se një pjesë e “karburantit” është marë nga gjyqtarët.
Por me sa duket rrjedha e kohës ka sjellë dhe kompplikacione në daljen e një vendimi penal përfundimtar dhe pë pasojë oferta është refuzuar.
Dhe pas kësaj janë kthyer mbrapsht edhe ato pak “litra karburant”, që ishte marë paraprakisht për siguri nga togat e zeza.
Tashmë çështja ka ngecur në vend numëro dhe ende nuk dihet se si do i shkojë puna, pasi dhe gjyqtarët janë tërhequr nga garancia fillestare.
Kjo tregon që punët po shkojnë keq e më keq dhe nga kampi subjekt i çështjes penale, duket se po planifikohet largimi nga Shqipëria, pasi në të kundërt i bie të shkojë sërisht tek hoteli.
Tani ne s’na ngelet gjë tjetër veçse të presim dhe durojmë ditën e gjykimit dhe vendimarjen e gjykatës së Apelit Tiranë.
Por ajo që tashmë është e sigurt, është fakti se negociatat janë mjaft intensive.
Madje në disa raste, kanë dinamikën e shpejtësisë së takimeve të ngjeshura, si ato që po ndodhin mes dy delegacioneve, Rusi-Ukrainë, me qëllim për ti dhënë fund luftës në frontin lindor…”.