Cristiano Ronaldo ka zbuluar se nëse Lionel Messi do fitonte Topin e Artë do të tërhiqej nga futbolli.
Ylli portugez pranoi se rrezikoi kur u largua nga Real Madrid për t’iu bashkuar Juventusit katër vjet më parë.
Në biografinë e Ronaldos që u publikua të mërkurën, gazetari i L’Equipe, Thierry Marchand zbuloi zhgënjimin e portugezit, pasi humbi Topin e Artë 2018.
“Është e lehtë të qëndrosh në flluskë kur je i suksesshëm”, pohoi Ronaldo.
“Kam rrezikuar kur erdha në Torino. Ndryshova klubin, ligën, kulturën e futbollit. Kam rrezikuar dhe ishte ai rrezik që, jam i sigurt, më bëri të mos e fitoja Topin e Artë në 2018. Nëse Messi fiton Topin e Artë këtë vit, do e lija futbollin”.
Siç dihet, në vitin 2018 as Ronaldo dhe as Messi nuk morën çmimin individual më prestigjioz në futboll, pasi gazetarët sportivë i dhanë Topin e Artë yllit kroat të Real Madridit, Luka Modric.
Portugezi zbuloi gjithashtu se Paris Saint-Germain është ende i interesuar që ta ketë pjesë të skuadrës.
“E di që dera është e hapur. E shoh veten duke luajtur në Parc des Princes, përballë 50.000 emigrantëve portugez. Do të ishte fantastike”, tha ai.