Avokati Arben Llangozi ka bërë me dije se kryetari i bashkisë Skrapar Adriatik Mema është kallëzuar penalisht në SPAK, pasi ai akuzohet për veprën penale korrupsion dhe shpërdorim detyre.
Llangozi shkruan se Mema akuzohet se ka favorizuar nëpërmjet mosveprimit Shoqërinë “Topi – Eki” sh.p.k. dhe shtetasit Anesti Topi, të cilët janë kallëzuar sëbashku me kryebashkiakun.
Konkretisht kryebashkiaku Mema ka lejar Anesti Topin që të shkatërrojë një parcelë toke prej 5.3ha tokë pyll 50 vjeçar me dru AHU dhe Panjë.
“Kryetari i bashkisë Skrapar Adriatik Mema, kallëzohet penalisht në SPAK, ai akuzohet për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”, dhe për veprën penale të shpërdorimit të detyrës .
Ai akuzohet se ka favorizuar nëpërmjet mosveprimit Shoqërinë “Topi – Eki” sh.p.k. dhe shtetasit Anesti Topi, të cilët janë kallëzuar sëbashku me kryebashkiakun, edhe këta shtetas akuzohen për veprën penale të “Korrupsioni aktiv i funksionarëve të lartë shtetërorë ose i të zgjedhurve vendor”, dhe “Pastrim i produkteve të veprës penale”.
Kryetari i bashkisë Mema ka lejusr shtetasin Anesti Topi, të shkatërroj një parcelë toke prej 5.3ha tokë pyll 50 vjeçar me dru AHU dhe Panjë.
Kjo pasuri ndodhet në Komunën Leshnje, Skrapar e cila është zaptuar dhe po shfrytëzohet në mënyrë të kundraligjshhme dhe të padrejtë nga të kallëzuarit shoqëria “Topi – Eki” sh.p.k. dhe shtetasi Anesti Topi, të cilët janë favorizuar nga institucionet ligjzbatuese por edhe nga ana e pushtetit vendor që është bashkia Skrapar dhe pikërisht kryetari i kallëzuar Adriatik Mema.”-shkruan avokat Llangozi.