Trajneri i Barcelonës, Çavi Hernandez, ka qenë dukshëm i zhgënjyer pas barazimit në Valencia, të shtunën në mbrëmje. Numri një i stolit të kampionëve të Spanjës ka vënë në dukje mungesën e efektivitetit të ekipit të tij në sulm, që po ia bën të pamundur fitimin e ndeshjeve.
Ne e meritonim fitoren për gjithçka bëmë. Por në futboll, kur fal kaq shumë, ndodhin këto gjëra. Ne luajtëm shumë mirë dhe bëmë atë që ishte e nevojshme për të fituar ndeshjen. Ne krijuam shanse të mjaftueshme për të fituar. Duhet të jemi shumë më të fortë në zonën rivale. Mendoj se kemi falur dy pikë. Në fund kemi marrë një pikë që na lë të pakënaqur”, tha ai.
Më tej ai ka shtuar: “Nëse bëjmë një analizë ndoshta jemi një nga ekipet më të dobët në Europë, për sa i përket efektivitetit. Nuk mund të falim të tilla raste, të tilla ndeshje. Mund të fitonim fare thjeshtë, por nuk e bëmë. Ishte një finale, që nuk e fituam”.