Trupat e 1,500 militantëve të Hamasit janë gjetur në territorin izraelit”, kështu është prononcuar zëdhënësi i IDF-së, duke sqaruar se ofensiva izraelite në Gaza “nuk do të jetë e pastër”.
Nga konferenca e mëngjesit të Forcave të Mbrojtje Izraelite, konfirmoi gjtithashtu se 900 izraelitë janë vrarë që prej fillimit të luftës Izrael-Hamas.
Ndërkohë, luftimet e ashpra janë zhvilluar mes një numri të madh militantësh të Hamasit dhe IDF të cilët kanë nisur një ofensivë masive që prej të shtunës.
IDF ka publikuar edhe emrat e 123 ushtarëve që thotë se janë vrarë që nga fillimi i luftës.
Ai gjithashtu konfirmoi se një ushtar, me gradën nënkolonel, vdiq në një përleshje zjarri në kufirin verior me Libanin, megjithëse kuptohet se kjo nuk ishte një përplasje me Hezbollahun.
Ndërsa sa i përket asaj se çfarë mund të nënkuptojnë sulmet e mëtejshme izraelite në Gaza për popullsinë civile, është thuajse e pamundur që civilët të mund të shmangen nga ky sulm.Kur Izraeli dëshiron dhe ndërmerr veprime ushtarake në Gaza, ai do të shkojë pas Hamasit ose Xhihadit Islamik, por dendësia e strukturës së Gazës është e tillë që është absolutisht e pashmangshme që civilët të jenë pjesë e tyre”, tha një burim nga mbrojtja izraelite.
Sulmi nuk do të jetë i pastër”, nënvizon ai.
“Kur merrni parasysh gjithashtu, një mbyllje të plotë të çdo karburanti, uji, elektriciteti, ushqimi që hyn, mund të bëhet vërtet shumë, shumë e keqe,” tha burimi për Skynews.
Ai më pas tha se disa liderë të mëdhenj të Hamasit, as nuk ishin në Gaza, duke treguar për Ismail Haniyeh, i cili aktualisht ndodhet në Katar, si një nga sfidat me të cilat përballet çdo ofensivë izraelite.
“Çdo ushtri, qoftë po aq e fuqishme sa izraelitët, amerikanët, britanikët apo kushdo tjetër, që përpiqet të fshijë një ideologji në një grup është praktikisht e pamundur”.