Fifi dhe Graniti vendosën që të qëndrojnë vetëm miq me njëri-tjetrin, duke mos e çuar në një nivel tjetër marrëdhënien e tyre. Mirëpo pavarësisht kësaj, Fifi me veprimet e saja tregon krejt të kundërtën.
Këngëtarja e dashur për publikun vijon e shpreh xhelozi për ish-futbollistin gjatë bisedave me banorët e tjerë, por edhe me vetë Canën.
Këngëtarja donte që t’i masazhonte këmbët. Por jo vetëm kaq, pasi ata herë pas here ngacmohen edhe me fjalë. Në një moment Graniti i tha Fifit se e ka vëzhguar kur kërcen dhe “je shumë elastike”.
“Jo vetëm në kërcim, edhe kështu jam elastike”, i është përgjigjur menjëherë Fifi.
Ndërkohë nga ana tjetër, Graniti ka shprehur edhe dëshirën e tij për të takuar ish-të dashurën e tij, teksa edhe Fifi tha se ka dikë që po e mendon jashtë.