Pas 2 orë e gjysmë mesazhe kundër qeverisë, mbyllet protesta e opozitës

Për dy orë e gjysmë protestuesit e thirrur nga opozita kanë protestuar para Kuvendit, në shenjë kundërshtimi ndaj qeverisë Rama.

Kreu i PD, Sali Berisha ka paralajmëruar zhvendosjen e protestave në shtëpinë e kryeministrit Edi Rama në Surrel.

Nder te tjera paralajmërimi i Berishës erdhi pasi në Kuvend Ermonela Felaj hodhi për votim propozimin për të zhvilluar në 2 mars, mocionin me debat me kryeministrin Edi Rama për skandalin “McGonigal”.

Sali Berisha: Të betohemi këtu që ai mocion po nuk u bë në Parlament do bëhet në Surrel, paqësor, paqësor urtë e butë, por si simboli, kështjella e të keqes është Surreli.

Atëherë ne do shkojmë atje ku struket ai, paqësisht do ia numërojmë të gjitha të mocionit.

Po doli me dhënë përgjigjen mirë po nuk doli le të rrijë aty se nuk e prekim.

Por Surreli do jetë objekt i revolucionit paqësor. T’i themi kemi 13 pyetje o sulltan.