Historia mes Tom Bredi dhe Irina Shajk ka marrë fund vetëm pak muaj pasi ish-sportisti i njohur dhe modelja nisën të frekuentonin edhe publikisht njëri-tjetrin. Ish-ylli i NFL-së u pa të shoqërohej me Shajk në disa festa si dhe e ftoi të kalonte netët në banesën e tij.
Por mediat amerikane kanë bërë të ditur se lidhja e tij me ish-partneren e Kristiano Ronaldos ka marrë fund këto kohë, pas pak më shumë se katër muajsh bashkë. Shkak është bërë fakti se të dy në fakt kishin krijuar një “çift të hapur”, pasi mund të takoheshin dhe të frekuentonin edhe persona të tjerë.
Me sa duket, si Tom, ashtu edhe Irina nuk ishin të kënaqur me atë që dhuronte kjo lidhje e tyre dhe kanë vendosur t’i japin fund romancës, duke kërkuar diku tjetër “shpirtin binjak”. Bredi raportohet se tashmë po shoqërohet me disa modele të tjera, ndërsa Shajk, se ka ende kontakte të vazhdueshme me një tjetër ish, Bredli Kuper, me të cilin ka një vajzë nga lidhja e mëparshme.