Një person ka mbetur i plagosur si pasojë e një aksidenti automobilistik. Mësohet se ngjarja ka ndodhur në aksin rrugor Lezhë-Balldre.
Një furgon mallrash ka pësuar një defekt dhe është ndaluar në një kryqëzim. Por, në momentin që shoferi ka hapur derën për të dalë nga furgoni, është përplasur nga një makinë në ecje.
Si pasojë shoferi i fugonit të mallrave mbeti i plagosur. Makina që e përplasi vijoi udhëtimin dhe u largua nga vendi i ngjarjes. I plagosuri është dërguar në spitalin e Lezhës ku po merr ndihmën e nevojshme mjekësore.