Milani i Stefano Piolit është në krizë. Nga loja, rezultatet (vetëm 2 pikë të fituara në 4 ndeshje, me 2 humbje dhe 2 barazime pas situatash me avantazh të dyfishtë) dhe identiteti, megjithatë Xherri Kardinale, pronari i klubit kuqezi, ka vendosur të mos e shkarkojë trajnerin nga puna.
Nga pushimi i tetorit deri në pushimin e nëntorit, Milani i Piolit rrëshqiti nga vendi i parë me dy pikë më shumë se vendi i dytë në vendin e tretë me 6 pikë më pak nga vendi i dytë, Juventusi dhe -8 nga lideri i Serisë A, Interi.
Megjithatë, “kërcënimi” për të ndihmuar qepja e yllit të dytë në këmishën e kushërinjve të urryer e largoi Kardinalen nga bindjet e tij për Piolin.
ARSYEJA E KONFIRMIMIT – Teksa pret që Zlatan Ibrahimoviç të kthehet në Milano për të dhënë një dorë (për të kuptuar se si dhe në çfarë mase), i vetmi që mund dhe duhet t’i japë një kthesë sezonit tani është Pioli, i cili, sipas “Corriere della Sera” në stendat e gazetave, nuk është aspak pa faje kohët e fundit.
Por pse pronari kuqezi zgjodhi të mbante Piolin në pankinë? Partneri menaxhues i fondit “RedBird” e në krye të Milanit që nga vera e vitit 2022, ka një vizion më të ndryshëm menaxherial dhe afatgjatë ndryshe nga shumica e “kolegëve” të tij italianë.
Për të cilët shkarkimi i një trajneri është një eventualitet për t’u marrë në konsideratë, pa shumë probleme, kur rezultatet nuk vijnë. Prej këtu edhe vendimi i Kardinales për të konfirmuar besimin e tij te Pioli. Të cilit në fillim të sezonit, pas largimit të Paolo Maldinit, i pati besuar një rol edhe më qendror në projektin e tij te Milani.
Do të shohim nëse koha do t’i japë të drejtë themeluesit të “RedBird”. Mirëpo në Milan-Fiorentina pas pushimit të kombëtareve do të duhet një reagim. Ëndrra për titull po shuhet, por vendosja në Champions 2024-2025 mbetet një mision për t’u përmbushur.