Skema e ngritur enkas për të denigruar figurën dhe një prokurori të ndershëm si Ervin Karanxha rezultoi tepër efikase nga ana e krimit. I vetëm përballë të gjithëve ai vendosi të jap dorëheqjen e parevokueshme. Njeri bëhet i pafuqishëm në kohën kur padrejtësia i zë vendin drejtësisë, krimi i zë vendin mirësisë dhe kur ligjin e zë pluhuri në shkresat dhe zyrat e pushtetarëve.
Përkushtimi, devollshëmria, puna e një jete në shërbim të kushtetutës u përbalt dhe u hodh në kosh. Sulmet e mirëmenduara duke bërë kompot kriminal me mediat sollën largimin e tij nga posti që e nderoi për vite me radhë.
Të mos harrojmë veprimet e turpshme të ish kreut të partisë Libra, Ben Blushi i cili përdor Top Channel për të sulmuar njerëz të drejtësisë. Ai mban postin e Drejtorit të Përgjithshëm të këtij televizioni, një vend që i ka lënë hapsirë për të denigruar figurën e të gjithë atyre që nuk dalin në krah.
Në kushtet dukshëm të një konflikti të hapur interesi, Blushi me anë të Top Channel nisi sulme për prokurorin Ervin Karanxha, madje edhe ndaj familjes së tij.
Prokurori shikonte si dritë shprese për zgjidhjen e këtij ngërci Këshillin e Lartë të Prokurorisë, por që letra e dërguar nuk mori përgjigjen dhe mbështetjen e pritur edhe pse faktet flisnin tërësisht ndyshe.
Nuk është parë në asnjë vend të botës që një media “e lirë” ta ketë rrugën e lirë e duke ushtruar presion në mënyrë të vazhdueshme, pothuajse çdo ditë, me qëllimin e vetëm sharkimin e prokurorit Karanxha, sic bën “Top channel” apo marionetat e saj si gazeta “Shqip”. Lajmet synonin përhapjen e lajmeve të rreme ndaj prokurorit dhe ndaj familjarëve të tij me qëllim për të ulur dinjitetin e tij dhe të familjes për arsye politike dhe personale.
Evrin Karanxha gjatë karrierës së tij të gjatë në prokurorinë e Tiranës ka mbyllur me sukses “dosje kriminale” duke hedhur dritë mbi çështje delikate pa u friksuar nga krimi i organizuar apo politika e inkriminuar. Ervin Karanxha lë pas vetes hallkat e ndryshkura të drejtësisë shqiptare që pavaresisht përpjekjeve të vazhdueshme nga individ të ndershëm ranë pre e një sistemi që nuk njeh as drejtësi, as ligj dhe as kushtetutë.