Bajern Mynih ka siguruar një fitore shumë të rëndësishme në transfertë ndaj PSG-së në duelin e parë me eliminim direkt në Ligën e Kampioneve.Pritej një përballje e zjarrtë por në pjesën e parë kishte vetëm një ekip në fushë, Bajern Mynih i cili tentoi disa herë të shënonte në portën e parisienëve të cilët vuajtën shumë në prapavijë e sidomos për të krijuar raste të rrezikshme. Por nga ana tjetër bavarezët goditën me ish-in Koman dhe iu afruan shumë edhe golit të dytë, të ndalur nga shtylla e portës së Donarumës.
PSG u zgjua në minutat e fundit me shpërthimet e Mendes dhe Mbape, të cilët krijuan rreziqe të njëpasnjëshme dhe ia dolën edhe të tundnin rrjetën, pro me golin që u anulua për pozicion jashtë loje. Kështu, në fund Bajerni mori një fitore të vlefshme në transfertë që do të përpiqet ta ruajë në ndeshjen e kthimit për të vazhduar në çerekfinalet e turneut.90’+2’ Pavard bën një ndërhyrje të ashpër ndaj Mesit para se të hynte në zonë, duke marrë të verdhin e dytë dhe duke lënë ekipin me 10 lojtarë87’ Edhe Vitinja tenton me një gjuajtje të fortë, sfera ndalet nga Zomer.85’ Mendes në krahun e majtë kalon përsëri me shpejtësi dhe pason për Mesin, gjuajtja e këtij të fundit devijohet jashtë nga Pavard.82’ PSG tund rrjetën me një aksion të shpejtë të Mendes në krahun e majtë dhe me Mbape i cili finalizon. Por goli më pas anulohet për pozicion jashtë loje.77’ Goditje këndi për francezët me Markinjos i cili ia del të gjuajë me kokë, por është qendrore dhe Zomer pret në pozicion.
73’ Mrekulli e dyfishtë e Zomer, i cili shpëton ekipin nga gjuajtjet e Mbape dhe Nejmar. Më pas francezi shënon, por ‘peshkohet’ në pozicion jashtë loje.64’ Përsëri Donaruma mban në lojë parisienët pas një gjuajtje me kokë të Pavard.63’ SHTYLLË! Musiala nga e djathta pason për Çupo-Moting i cili gjuan por pas devijimit të Donarumës, sfera shkon në shtyllë.62’ Koman nga e djathta nis një top të mirë për Çupo-Moting i cili me gjysmë-kthesë tenton portën por këtë herë gjen në pozicion Donarumën.57’ Në fushë Mbape dhe Fabian Ruiz, teksa u lënë vendin Soler dhe Zaire-Emeri.45’ Zëvendësim te të dy skuadrat në fillimin e pjesës së dytë. Kanselo i lë vendin Dejvis te Bajern, ndërsa Kimpembe merr vendin e Hakimit.43’ Gjuajtje e fortë e Kimish nga jashtë zonës, Donaruma kontrollon sferën.34’ Koman gjuan me shpejtësi duke parë hapësirë para tij, shënjestra nuk është e duhura dhe topi përfundon jashtë.31’ Këtë herë është Musiala i cili hyn në zonë, por gjen ndërhyrjen e Verratit i cili kalon topin në këndore.
31’ Kros në zonë për Çupo-Moting i cili gjuan me kokë pro sheh sferën të përfundojë jashtë.
27’ Pavard nis Musiala dhe vetëm një ndërhyrje e Serxhio Ramos shmang një rrezik konkret në portën e Donaruma.26’ Pavard ndëshkohet me të verdhë pas një ndërhyrje ndaj Nejmar.
25’ Aksion i gjatë i Bajernit me Kimish i cili në fund gjen Koman nga e majta, por gjuajtja e këtij të fundit shkon lehtësisht në duart e Donaruma.
17’ Bajerni ka iniciativën në minutat e parë me PSG-në që i ka lëshuar shumë terren, duke tentuar vetëm kundërsulmet përballë bavarezëve.
14’ Kombinim i shkëlqyer Mesi-Nejmar, Upamekano ia del të ndale pasimin për argjentinasin i cili po shkonte drejt portës.
10’ Çupo-Moting mundohet të hyjë në zonën e PSG-së, por Ramos ndërhyn mjeshtërisht dhe i heq topin nga këmbët.
8’ Mesi nis Zaire-Emeri, por ky i fundit nuk ia del që të pasojë për Nejmar i cili po sprintonte drejt portës së bavarezëve.
1’ Menjëherë rrezikshëm Çupo-Moting i cili godet nga jashtë zonës por nuk gjen portën.
1’ Nis ndeshja me shkelmimin nga qendra të miqve.