Shefja e IKMT-së së Sarandës Romina Pulaj nuk po përshtatet me qelinë e burgut. E arresruar dy javë më parë në shtrat me vartësin e saj Martin Arapi, zonjush Pulaj ka përfunduar në spitalin e burgut.
Burime për Prapaskenën kanë bërë me dije se shefja e IKMT-së, e arrestuar për lejimin e ndërtimit të një pallati në mënyrë të paligjshme, e ka përjetuar dramatikisht mbylljen në qeli dhe se po kalon një gjendje të rënduar psikologjike.
Javën e dytë në paraburgim, Romina Pulaj, përveç stresit, ka shfaqur probleme shëndetësore. Sipas burimeve, në bazë të ankesave të shefes së IKMT-së, nuk përjashtohet mundësia e një shtatëzanie, por simtomat mund të jenë edhe si pasojë e tronditjes psikologjike.
Nuk përjashtohet as mundësia që simtomat të jenë fiktive dhe pjesë e manovrave për të dalë nga burgu, me masën ‘arrest shtëpie’ apo në gjendje të lirë. Aktualisht, Romina Pulaj është në spitalin e burgut.
Në momentin e arrestimit nga policia, në kuadër të operacionit ‘Heshtja’ , mesnatën e datës 22 shkurt, Romina Pulaj ndodhej në shtëpi nën shoqërinë e vartësit të saj, Martin Arapi.
Çifti ka qenë i zhveshur në momentin kur policia ka trokitur në derë. Ata kanë kërkuar dy minuta kohë për të hapur derën, sa të visheshin.
Policia i ka vendosur prangat shefes Romina Pulaj, duke lënë vetëm të dashurin e saj. Tre ditë më vonë, pasi Pulaj është marrë në pyetje, prokuroria ka kërkuar arrestimin e vartësit të saj. Arapi është fshehur.
Ashtu ai ndaj shefes së tij, edhe mbi Arapin rëndon e njëjta akuzë, ajo e shpërdorimit të detyrës duke lejuar ndërtimin e një pallati në kundërshtim me ligjin.