Shkëlqim Hajdari, kur drejtonte Prokurorinë e Apelit Tiranë në vitin 2010, privatizoi makinën tip Mitsubishi për 400 mijë lekë. Më pas, kryeprokurori i Apelit Hajdari, makinën e prokurorisë që drejtonte vetë, e shiti për 9 mijë euro në vitin 2011.
Me këtë lëvizje futi në xhep mbi 6 mijë euro. Po në vitin 2011, Shkëlqim Hajdari blen një makinë më të re tip Mitsubishi për 24 mijë euro.
Kjo lëvizje është vetëm një detaj në pasurinë plot paradokse, dyshime dhe njolla të zeza të Shkëlqim Hadarit, pasuri e cila vështirë se mund të kalonte testin e Vetingut.
Shkëlqim Hajdari dha dorëheqjen nga sistemi në vitin 2016.
Disa javë pas dorëheqjes, Edi Rama e emëroi Kryeinspektor i Përgjithshëm, një organ i përfshirë në abuzime të frikshme, për të cilat do flasim në vijim.