Është bërë e zakonshme tashmë që mediat britanike çdo ditë të shkruajnë për emigrantët shqiptarë që kalojnë kanalin me gomone.
“Telegraph” në një artikull të saj shkruan se Rreth 2000 emigrantë shqiptarë që kanë udhëtuar në mënyrë të jashtëligjshme drejt Anglisë këtë vit pretendojnë se janë minorenë.
Sipas ministrit anglez të imigracionit, Robert Jenrick, 20% ose një në pesë emigrantë meshkuj që vijnë në vend, pretendojnë se janë në 18 vjeç, me shpresën se në këtë mënyrë do të përfitojnë azil. Fëmijët e pashoqëruar ka më pak mundësi për t’u arrestuar nëse kërkesa për azil u refuzohet.
Në artikullin e britanikes shkruhet se 10 mijë shqiptarë kanë mbërritur me varka të vogla gjatë vitit 2022, nga 40 mijë emigrantë gjithsej që kanë kaluar kanalin deri më tani.
“Rreth 20% e meshkujve që mbërrijnë në qendrën e pritjes në Dover, Ëestern Jet Foil, pretendojnë se janë nën 18 vjeç, por qartazi numri i tyre është më i vogël. Nëse duhet të bëjmë ndryshime të mëtejshme ligjore, do ta bëjmë”, tha Robert Jenrick.
Zyra e Brendshme shtrëngoi rregullat duke i lejuar zyrtarët të kontrollojnë dhe verifikojnë moshën e emigrantëve, nëse pamja apo sjellja e tyre i lë të kuptojnë se janë mbi 18 vjeç.