Në vitin 2015, gjykata e Tiranës dënon me 35 vite burg Konstandin Xhuvanin djalin e Luiza Xhuvanit. Por nuk ndodhi e njëjta gjë në Gjirokastër pasi Kostandin Xhuvani u akuzua për një konflikt me armë dhe u la i lirë nga prokurori Çafka.
Në prill 2014 Kostandin Xhuvani u akuzua për një konflikt me armë në qendër të qytetit të Gjirokastrës. Sipas policisë Xhuvani ishte njohur nga dëshmitarët, pas një konflikti të çastit kishte qëlluar me armë ndaj një personi të tretë, por prokurori që ka kaluar vetingun Julian Çafka e favorizoi dhe i pezulloi hetimet.
Prokurori Çafka në rastin konkret vendosi në tetor 2014 të pezullonte hetimet.
Ai arsyetoi pushimin e hetimeve me faktin se alibia ishte e qëndrueshme dhe mbështetej nga një dokument zyrtar, si regjistri i vizitave të spitalit Elbasan duke mos kryer më verifikime të mëtejshme.
Pra prokurori e pezulloi hetimin se nuk gjendej autori ndryshe nga faktet që ndodheshin në dosje. Nga dokumenti të cilin po publikojmë, procesverbali i paraqitjes për njohje, rrëzon alibinë e prokurorit Çafka, pasi “viktima” dhe një dëshmitar tjetër ka bërë njohjen fotografike që nuk ishte cilësuar e mjaftueshme. Por asnjëherë nuk arriti të hetonte dhe të provonte faktin penal të mësipërm dhe solli pasojën e vdekjes se katër personave në Tiranë.
Një muaj pas pushimit të hetimeve nga prokuroria për akuzën e kanosjes, Kostandin Xhuvani vrau 4 persona në një lokal në Tiranë. Vrasja e katërfishtë për të cilën ai është dënuar me 35 vjet burg, riktheu në skenë historinë e kanosjes në Gjirokastër, e cila u mbyll në mënyrë skandaloze dhe hetimi i dobët i saj solli si pasoj vrasjen e katër personave të cilët janë, Edison Jahon, Enea Xhajn, Arbër Demirajn dhe italianin Gianpaolo Azzola, më 4 nëntor 2014.
Ishte pikërisht kjo vrasje e katërfishtë që riktheu në skenë historinë e armës në Gjirokastër në prill 2014, për të cilën akuzohej Xhuvani, e cila u hetua përciptaz nga ky prokuror dhe ka dyshime që mund të ketë favorizuar shtetasin Kostandin Xhuvani. Kjo dosje penale është hapur dhe mbyllur disa herë nga prokurori Çafka, pa kryer asnjë veprim hetimor dhe duke mos u marrë masa për këtë krim të kryer.
Sipas dosjes së mbyllur nga prokurori konstatohet se Xhuvani i shoqëruar nga 2 persona të tjerë ishin përfshirë në një sherr, pasi kishin ngacmuar me gjeste dhe fjalë dy vajza. Një prej vajzave kishte njoftuar një të njohur, i cili pasi ka shkuar në lokal është grindur me fjalë me Xhuvanin dhe dy shoqëruesit e tij dhe Konstandin Xhuvani ka qëlluar me armë mbi makinën e personave që konfliktohej me qëllim për ti vrarë.
Prokurori ka favorizuar krimin pasi e ka kualifikuar këtë vepër penale si kanosje, parashikuar nga neni 84 i Kodit Penal kur ndërkohë, sipas tabelës fotografike në vendnjgjarje ky shtetas ka qëlluar me armë në drejtim të personave që ka pasur konflikt dhe nuk mund të kualifikohej kjo ngjarje si kanosje por si vrasje e mbetur në tentativë (shif tabelën fotografike).
