Deri ditën kur njohu nga afër Bora Zemanin, Dritan Shakohoxha mbante statusin e burrit të paepur përballë shigjetave të Kupidit, flakëve joshëshe të vajzave të ekranit dhe çdo tundimi drejt mëkatit të ëmbël.
Madje, kur Armand Duka e merrte me vete në turnetë erotike dhe festat e çmendura jashtë vendit, kamufluar me evente sportive, Shakohoxha refuzonte të bëhej pjesë e lojërave seksuale, haremeve dhe mbase orgjive ku e ftonte Armando Duka.
Kreu i FSHF-së Armand Duka, krahas Shakohoxhës, merrte nga Tirana konkubina, të cilat i bashkonte me të huaja, duke krijuar kështu një harem në lëvizje nëpër Evropë.
Shakohoxha qëndroi gjithnjë stoik brenda korrnizave të aspektit sportiv, duke refuzuar çdo ftesë të Dukës, për t’u argëtuar me vajzat, të cilat i silleshin rreth sulltanit të FSHF-së.
Burime për Prapaskenën theksuan se kalaja mbrojtëse e Shakohoxhës u lëkund dhe më pas u dorëzua, kur njohu Bora Zemanin. Ishte pikërisht Shakohoxha, i prangosur nga sytë e saj, ai i cili e futi Borën në botën e televizionit.
Shakohoxha e mori për dore dhe futi në Top Channel.
Por, duket se zjarri i dashurisë ishte i njëanshëm, pasi Bora Zemani e pa Shakohoxhën vetëm si një shkallë në karrierën e saj. Shumë shpejt Bora kapi dhe ngjiti shkallë të tjera, ndërsa Shakohoxha u kthye në korrnizat e mëparshme.