Trajneri i Bajern Mynihut, Tomas Tuhel, ka dalë në intervistë përpara takimit me modestë e Sarbryken, e vlefshme për raundin e dytë në Kupën e Gjermanisë, ndonëse nuk ka njoftim konkret rreth situatës mbi fushën e rënduar, që mund të ndikojë edhe në shtyrjen e duelit. 50-vjeçari gjermanë ka dashur t’i tërheq veshin repartit defensiv.
PASIGURITË NË MBROJTJE- ”Në takimin me Darmshtadin e mbajtëm portën të pastër, por interpretimi i lojës dhe lejimi i të çarave na vendosi në situata serioze. Ndonjëherë është më e rëndësishme të realizojmë detyrat që na jepen sesa të mendojmë për të shënuar. Këtë gjë ua them edhe mbrojtësve tanë. E vlerësoj lakminë e tyre në gjetjen e golit, ama pasojat mund të jenë të rënda në takimet e ardhshme, e ku kualiteti i kundërshtarëve ndryshon”, tha me tone të larta kritikuese Tuheli.
FORMACIONI- ”Matsi Til mbetet opsion për ta nisur nga minuta e parë, gjithmonë nëse Federata Gjermane e Futbollit na jep aprovimin se fusha i plotëson kushtet optimale. Gorecka po stërvitet mirë, sikurse Gnabri, megjithatë nuk mund të jap siguri nëse do të jenë prezent, marrë në konsideratë “Klasiken2 me Dortmundin ditën e shtunë. Musiala ka disa shqetësime të vogla dhe do të jetë më mirë të qëndrojë në Mynih”.
EVOLUIMI I SANESË– ”Pozita si sulmues në krahë u qëndron përshtat aftësive të Sanesë. I aftë për të bërë diferencën nga të dyja korsitë e fazës ofensive. Manovrimi me topin në këmbë demonstron potencialin që Leroi mbart, me një vetëbesim për t’u admiruar. Shërbimi ndaj shokëve të ekipit, tjetër armë e sulmuesit tonë”.
“TOPI I ARTË”- ”Jam personi më i keq që mund të flasë në lidhje me këtë temë. E mora vesh vetëm dje, pasi ishte zbardhur emri i fituesit. Besoj se më kuptoni”, tha mes buzëqeshjeve trajneri i kampionëve të Bundesligës.
MUNGESA E KEJNIT- ”Herri është mësuar të inkuadrohet së tepërmi në Angli dhe s’besoj se do të ketë probleme këtu në Gjemani me numër më të limituar ndeshjesh. Vendimi nëse do të jetë në fushë nuk është marrë ende. Kejni është tipi i lojtarit që di t’i menaxhojë energjitë”. Kanë kaluar 4 sezone nga suksesi i fundit i Bajernit në Kupë, konkretisht në etapën e tripletës, cikli 2019-2020.