Skuadër e jashtëzakonshme, tifozët edhe më shumë, heroi Brahim Diaz: Kemi shkëlqyer të gjithë

Brahim Diaz ishte heroi i Milanit, në triumfin 1-0 që kuqezinjtë arritën në “San Siro” ndaj Totenhemit, në duelin e vlefshëm për fazën e 1/8-ave të Champions League. Mesfushori gjeti rrugën e rrjetës në minutën e 7-të, duke i dhuruar këtë triumf të artë kuqezinjve. Në prononcimi pas ndeshjes, Brahim Diaz u shpreh:Fitorja- “Jam shumë i lumtur për ekipin, bëmë një punë të shkëlqyeshëm dhe punuam mirë gjatë gjithë javës. Kemi shkëlqyer të gjithë, madje edhe tifozët kanë qenë të jashtëzakonshëm”.

Dy fitore radhazi? “Kjo nuk do të thotë asgjë. Ne gjithmonë e kemi këtë frymë dhe tani duhet të shohim përpara, kjo është më e mirë për ekipin. Ky është një grup i jashtëzakonshëm, por tifozët janë edhe më shumë të jashtëzakonshëm.

Më afër çerekfinales? “Tani duhet të luajmë në Serie A, pastaj do të mendojmë për çerekfinalet. Ndeshja e Londrës ende mungon”, u shpreh Brahim Diaz.