Një super operacion që është ende në vijim ka nisur gjatë natës duke u gdhirë dita e enjte, në vendin tonë, Itali dhe disa vende të tjera europiane ku janë ekzekutuar 43 urdhërarreste.
Burimet thanë se operacioni është përqendruar në Brescia dhe marrin pjesë hetues të Krimit të Organizuar, Njësia e Policisë Ekonomike dhe Financiare dhe Guardia di Finanza.
Mësohet se në këtë operacion është goditur një rrjet i trafikut të drogës në Evropë dhe janë sekuestruar 4 milionë euro. Hetimi nga Guardia di Finanza është kryer në bashkëpunim mes autoriteteve të Italisë, Shqipërisë dhe vendeve të tjera europiane.
Detajet do të jepen gjatë një konference për shtyp nga prokurori i Bergamos dhe përfaqësyes të autoriteteve të drejtësisë shqiptare