Bardhi arriti kulmin e suksesit, duke u bërë i njohur për publikun shqiptar, falë projektit të tij muzikor, “Betohemi”.
E publikuar rreth tre vite më parë, “Betohemi” është një projekt muzikor që u rendit në krye të klasifikimit të “Top Awards”, për tre javë rresht. Pas atij hiti, Bardhi ka vijuar të punojë fort, duke sjellë këngë “solo” dhe bashkëpunime mjaft të suksesshme.
Pavarësisht se ka vijuar të ketë një karrierë për t’u patur zili, duket se artisti ka vendosur të kthehet në kohë, tek dashuria e tij e parë. Përmes një postimi të bërë në profilin e tij të TikTok-ut, Bardhi ka menduar të sjellë këngën me titull “Betohem 2”.
“Tre vite që nga publikimi i kësaj kënge”, shkruan Bardhi në postimin e tij, të cilin e shoqëron me ikonën e një zemre të thyer. ” A është koha për “Betohemi 2″”, shton më tej artisti.
Komente mjaft pozitive ka marrë ky postim i artistit, ku njëri prej tyre shkruan: “Kjo është muzika që dëgjoj akoma si ditën e parë”. “Bëje, është pak vonë biles”, shkruan një tjetër.
Nuk është ende e qartë nëse Bardhi po planfikon të sjellë një tjetër këngë “Betohemi 2” por një gjë është e sigurt, fansat do e mirëprisnin një tjetër këngë si kjo.