Një konflikt për motive të dobëta mes 5 personave ka degjeneruar deri në përdorimin e armës mbrëmjen e sotme në zonën e Alliasit.
Paraprakisht mësohet se shtetasi me iniciale B. Gj, së bashku me 3 shtetas të tjerë ende të paidentifikuar, kanë goditur me sende të forta shtetasin J. H.
Gjatë konfliktit njëri nga personat dyshohet se ka qëlluar me armë zjarri në ajër. Policia ka mbërriur në vendngjarje dhe po punon për sqarimin e plotë të rrethanave të ngjarjes.
Tiranë/Informacion paraprak:
Me datë 23.4.2021, rreth orës 20:15, në Allias, si pasojë e një konflikti të çastit për motive të dobëta, shtetasi B. Gj, së bashku me 3 shtetas të tjerë ende të paidentifikuar nga ana jonë kanë goditur me sende të forta shtetasin J. H. Në largim e sipër njëri prej 3 shtetasve të paidentifikuar dyshohet se ka qëlluar me armë zjarri në ajër. Vijon puna për identifikimin dhe kapjen e tyre. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.