Kryetari i delegacionit të OSBE-së në Shqipëri, Vincenzo Del Monaco, gjatë fjalës së tij në konferencën e organizuar këtë të enjte ka thënë se Shqipëria ka bërë përparim në luftën kundër trafikimit të qënieve njerëzore.
Monaco shtoi se trafikimi i qënieve njerëzore është një plagë e globit dhe shumë persona kanë rënë pre e shfrytëzimit seksual, ku shumica prej tyre janë gra dhe fëmijë.
Ndër të tjera, ai the se të shumta janë ato organizata kriminale të cilat fitojnë shuma të mëdha parash përmes këtij kriminaliteti.
“Trafikimi i qenieve njerëzore është plagë e globit. Kjo murtajë vijon, miliona persona në botë janë viktima të punës së detyrueshme dhe shfrytëzimit seksual, shumica janë gra dhe fëmijë. Organizatat kriminale fitojnë para me këtë kriminalitet dhe nuk kursejnë asnjë vend. . OSBE drejton aleancën kundër trafikimit të personave. Shqipëria ka bërë përparim në luftën kundër trafikimit të personave”, tha ai.