Romelu Lukaku ishte një nga zhgënjimet më të mëdha të Interit në finale. Sulmuesi belg zhvilloi një paraqitje shumë të dobët, ndali Dimarco-n ndërsa shpërdoroi një rast të pastër me portën e boshatisur, detaje këto që në fund rezultuan përcaktuese. Pavarësisht këtij fakti, presidenti Zhang dhe stafi drejtues i Interit nuk kanë ndërmend të ndahen nga Lukaku, kërkojnë të zgjasin bashkëpunimin me belgun.Lukaku do të rikthehet te Chelsea pasi i përfundon huazimi, por drejtuesit e Interit janë të gatshëm të paraqesin një tjetër ofertë për ta mbajtur në Milano edhe për një tjetër vit, gjithnjë nëse Chelsea pranon skonto për shërbimet e tij. Në dilemë është edhe e ardhmja e Edin Dzeko-s. Boshnjaku ka marrë një ofertë zyrtare nga Fenerbahçe, me turqit që i kanë vendosur në tavolinë një kontratë 2-vjeçare dhe 5 milionë euro në sezon. Inter i ofron kontratë 1-vjeçare dhe 4 milionë euro. Nëse palët nuk gjejnë një akord, Inter do të tentojë të afrojë në skuadër Gianluca Scamacca.Sulmuesi “azzurr” pritet të largohet nga West Ham, ndërsa Inter është i hapur për një huazim. Corriere dello Sport vjen me një tjetër lajm në lidhje me merkaton zikaltër. Achraf Hakimi mund të rikthehet në Milano këtë verë pasi dëshira e anësorit maroken është të largohet nga PSG.