Detaje të reja janë zbardhur në lidhje me të shkuarën e shqiptarit të ekzekutuar në Greqi mbrëmjen e djeshme.56-vjeçari i identifikuar si Thimi Prifti, nuk ishte një figurë e panjohur për policinë dhe drejtësinë greke. E kaluara e viktimës ka rënë në lupën e hetimeve që tregojnë arsyet e mundshme pse e kanë dashur shqiptarin të vdekur.
Burime policore, duke folur për protothema.gr, thanë se 56-vjeçari ishte arrestuar disa herë më parë dhe akuzohej për organizator bande, trafik të lëndëve narkotike, trafik cigaresh dhe falsifikim. Ajo që po hetohet gjithashtu është nëse viktima e atentatit është e lidhur me makinën që u pikas në fund të nëntorit në një pjesë pranë zonës së ekzekutimit, ku u gjenden brenda një kallashnikov dhe disa granata.
56-vjeçari u vra rreth orës 21:00 të së enjtes, teksa ndodhej në rrugë, pranë një pallati në rrugën Atlantos. Banorët e zonës që kanë dëgjuar të shtënat dhe kanë lajmëruar policinë.Sipas hetimeve paraprake, kanë qenë dy autorë dhe ata e kanë qëlluar viktimën në kokë dhe gjoks. 56-vjeçari u dërgua i gjallë në Evangelismos, por ai vdiq pak kohë më vonë.