Titullar në Champions në moshën 37-vjeçare. Olivie Zhiru synon të thyejë barriera të reja, por sekreti i tij është hyjnor.
“Zoti më ndihmon çdo ditë, më jep forcë. Unë lexoj Biblën çdo ditë. Kur gabon një gol zhgënjehesh, por për mua gjëja më e rëndësishme është të jesh gati, elastik. Besimi më ndihmon të besoj gjithmonë në mundësi të reja dhe unë uroj që sivjet të ngremë ndonjë trofe të rëndësishëm”, tha francezi.
Sulmuesi në moshën 37- vjeçare ka një fizik për t’u pasur zili. Lidhur me formën e tij ai shpjegon: “Epo faleminderit nënës dhe babait për gjenet që më kanë trashëguar. Është e rëndësishme të ushqehem mirë dhe të pi shumë ujë. Fiziku im më lejon të vazhdoj të ëndërroj sot, të jem konkurrues. Trupi im është miku im dhe i kushtoj vëmendje”.
Komenti i fundit ishte për mundësinë e rikthimi të Ibrës te Milani si drejtues dhe për fenomenin e momentit te Milani, Rafael Leao.
“Kur erdha te Milani gjeta Ibrën. Ishte si një ëndërr e ashtu si ai, edhe unë po mundohem të ndihmoj të rinjtë që i bashkohen skuadrës siç ndodhi me Loftus-Çikun, të cilin e josha të na bashkohej. Leao është fenomen. I pëlqejnë përgjegjësitë. Duhet të vazhdojë të bëjë mirë për të qenë një legjendë e këtij klubi”, përfundoi Zhiru.