Juventusi ka hequr dorë zyrtarisht nga projekti i Superligës. Ajo që diskutohej prej kohësh në mediat italiane tashmë është konkretizuar nga klubi torinez me anë të një komunikate për shtyp që njofton se Juventusi do të tërhiqet.
Superliga Europiane ishte një ligë që synonte të rriste të ardhurat e klubeve, por e pa miratuar nga UEFA. E nisur si ide nga Reali, Juventusi, Barcelona, Interi e shumë klube të tjera, tashmë po zbehet dhe me largimin e Juventusit, ka mbetur Reali e Barcelona dhe duket e vështirë që të ndodhë.
“Pas njoftimit për shtyp të datës 6 qershor 2023, me të cilin Juventusi njoftoi se kishte filluar një diskutim me Real Madridin dhe Barcelona (klubet që nuk kishin shpallur synimin e tyre për t’u larguar nga projekti i Superligës deri atëherë) në lidhje me vendimin e propozuar nga Juventusi për të dalë nga Projekti i Superligës, bëhet e ditur:
Pas këtyre diskutimeve Juventus konfirmon se ka nisur procedurën e daljes nga projekti i sipërpërmendur, duke kujtuar se, në zbatim të dispozitave kontraktuale në fuqi, me pëlqimin e Realit dhe Barcelonës por edhe të klubeve të tjera”, shkruhet mes të tjerash. Me daljen nga Superliga, Juventusi shpreson që UEFA të zbusë dënimin dhe ta përjashtojë nga Europa vetëm këtë sezon e sezonin e ardhshëm të marrë pjesë.