Kanë dalë në dritë detaje të reja mbi ngjarjen e rëndë që ndodhi mëngjesin e sotëm, ku një 25-vjeçar u gjet pa shenja jete brenda automjetit ndërsa pranë tij ndodhej një armë zjarri.
Bëhet me dije se në trupin e viktimës janë gjetur 3 plumba dhe dyshohet se ai është ekzekutuar për shkak të konflikteve për drogë. Kjo është pikërisht dhe një nga pistat ku janë të përqëndruara hetuesit.
Makina tip Fiat Punto është në pronësi të një shtetaseje nga Tirana.
Informacion paraprak i policisë
Më datë 21.08.2021, rreth orës 07:35, në aksin rrugor Vlorë-Babicë, në rrethanave ende të paqarta, është gjetur pa shenja jete brenda në automjet, një shtetas ende i paidentifikuar, rreth 25 vjeç, dyshohet se ka humbur jetën nga përdorimi i armës së zjarrit.
Shërbimet e Policisë kanë mbritur menjëherë në vendngjarje.
Grupi hetimor nën drejtimin e Prokurorisë po vijojnë punën për zbardhjen e plotë të rrethanave të ngjarjes.